محمد ثروت: "يامستعجل فراقي" خلقت لي جمهور جديد

متابعات: كشف المطرب محمد ثروت، عن كواليس أغنيته الجديدة "يا مستعجل فراقي"، قائلًا، "ابني أحمد جالي هو ومجموعه من أصدقائي مثل الدكتور سمير صبري وقالوا لازم محمد ثروت يغني عاطفي".
 وتابع، "فالولي لازم ننقي حاجات واتكلمنا مع رحيم وناس تانية وعملنا تقريبًا 7 ألحان واخترنا هذا التوقيت لطرح أغنية يا مستعجل فراقي ".
ونفى محمد ثروت، غيابه عن الساحة الفنية، قائلًا، "ما سبتش عمري الفن ولا الساحة الغنائية لما بيكون في فرصة بنشتغل وعملت قبلها " مناجاه1، ومناجاه2"، لافتًا إلى أنه أقام عدد من حفلات الليلة المحمدية والنصف من شعبان ومستمر فيها.
وأضاف، "في ناس قالت الأغنية عن الفراق مع عيد الحب؟ قلتلهم أنا مش عارف أنا حاسس إنها أغنية تناسب الشتاء وتناسب تداعيات كورونا والحمدلله نجحت ".
وعلق على نجاح الأغنية، قائلًا، "ربنا لما يحب يخلي الناس تنصر حاجه بيخليها تنصر، وبينصر بشكل ممكن يخلينا نتعجب وكأن الناس بتسمعني لأول مرة، حاسس أنهم شايفين محمد ثروت لأول مرة".
وأوضح ثروت أن أغنيته الجديدة دفعت أجيال صغيرة في السن لسماعه لأول مرة، قائلاً، ة" ابني أحمد لما دخل على اليوتيوب قلي كده شفنا أعمار 16 سنة و18 سنة وهي أعطتنا علامة لأشياء مختلفة، وخلتني أتطمن أوي وحسيت إن ليا ناس تنصرني، كفاية أن الناس حستني وحاسة شغلي وده يدفعني أعمل كتير وكتير لان الناس تستحق أن اساعدها بهذه النوعية من الفن ".
وعن تعاونه مع جيل الشباب مع الشاعر تامر حسين والملحن محمد رحيم، قال، "أنا مؤمن دائمًا بالشباب بداية من أولادي واللي زيهم ويسعدني أقدم الدعم ليهم، وأنا الي وقف معايا في بدايتي محمد سلطان والاستاذ محمد عبد الوهاب وعشان كده، أن أي شاب يحمل موهبة وقيمة هقول له أهلاً وسهلاً ".