شريف الهركلي: أصدرت دار البديع العربي للنشر و التوزيع في مصر، ديوان «الفجر الصادق» للشاعر المصري محمد ناجى الإبطاوى
الإبطاوي، شاعر متفرد بين شعراء العامية نشر خمسة دواوين شعرية (حكايات محمد ناجي الإبطاوي، الرسم بالكلمات، عايشها بالفطره، حكايات الياسمين، الفجر الصادق) ورواية الفلاح والمدينة ومسرحية مطبوعة بعنوان: "الأبعديه" قاص وكاتب درامي ومسرحي و ممثل ، آخر عمل شارك فيه مسرحية بعنوان: "شيكو كوكو"مع عمالقة المسرح المصري ، شارك في بعض الأعمال الدرامية السينمائية، سينارست، وحكاى ماهر.
وهو عضو اتحاد كتاب مصر، عضو نقابة المهن التمثيلية ، عضو نادي أدب قصر ثقافة دسوق. عضو المؤتمر العام لأدباء مصر، عضو وأمين صندوق جمعية موهوبي السينما والمسرح، مدير فرقة مسرح الموهوبين، حاصل على العديد من شهادات الشكر والتقدير من الجامعات المصرية والعالمية والهيئات والصالونات الثقافية.
ويتميز الإبطاوي بتمسكه بلغة أهل البلد حيث يستهدف بكتاباته الطبقة البسيطة من الفلاحين والعمال وأيضاً الطبقة المثقفة، بسحرها وألفاظها القريبة للقلب، التي تحاكي أحلامهم وتروي حكاياتهم اليومية .
الإبطاوى ينبوع من الفكر والإبداع والخيال الخصب، الحروف والكلمات تحاكي عذابات الشعوب المطحونة.
ستون عاماً وهو يحلق بأجنحته الصغيرة القوية في سماء الأدب ليثري صندوق الإبداع والتألق المصري والعربى.
من أجواء الديوان
شكلك مألوف
وكأني كنت ضرير
ودي أول مرة باشوف
مش فاكر آخر مرة شفتك فين
يمكن مرة زمان كنت قابلتك وسألتك
هو الشارع دا اللي اسمه عماد الدين
يروحوا له منين ؟!
مش فاكر شفتك فين
يمكن مرة قعدنا على القهوة زمان واللا عزمت عليا بسيجارة دخان ؟!
يوووووه
استنى
كله إلا دي
أنا ما بادخنش
من وأنا لسه ف إعدادي
لما أمي شمت ريحة بقي
وقالت لي حرام
بطلت التدخين
وعندي يقين انه حرام
ولو دخنت
كات خاصمتني ليوم الدين
بس انا شفتك فين ؟!
فكرني ورد
أنا شفتك فين ؟!
نفسي ارتاح
تصدقني لو اقول لك جوايا براح
وسكون مش مسكون
والرضا بالمكتوب زي إيماني بالله
وان اللي يعوزه المولى بيكون
واني في الدنيا يا دوب عابر
ولما أموت
عندي يقين
إني كنت سبيل
للناس الجايبن من بعدي
وان مكاني
غيري هيقعد فيه وسريري
غيري هيتمدد فيه
وسيرتي
هتفضل موجودة من بعدي
سنين
وسنين وسنين
بس انا شفتك فين ؟!
فين ؟!
فين ؟!
شكلك مألوف
وكأني كنت ضرير
ودي أول مرة باشوف
واتاريني ف اوضتي
وشايف نفسي في مرايتي
اللي بقالي سنين
ما وقفتش قدامها
باسأل نفسي
شفتك فين ؟!
أنا شفتك فين ؟!
